Comission on Audit (COA) SASDC (Statement of Audit Suspensions, Disallowances, and Charges) Result

𝐌𝐀𝐀𝐘𝐎𝐒, 𝐓𝐀𝐏𝐀𝐓 𝐀𝐓 𝐓𝐑𝐀𝐍𝐒𝐏𝐀𝐑𝐄𝐍𝐓

COA SASDC Result: ₱0.00 Findings para sa Barangay Central Signal Village

Masaya kong ibinabalita sa inyo, kasama ang buong hanay ng ating Sangguniang Barangay, na ang Barangay Central Signal Village ay nakatanggap ng ₱0.00 sa lahat ng Disallowances, Suspensions, at Charges mula sa Commission on Audit (COA).

Ibig sabihin nito ay wasto, tapat, at transparent ang paggamit ng ating pondo, isang patunay ng maayos na pamamahala at mabuting serbisyo sa ating mga kabarangay.

𝐀𝐧𝐨 𝐚𝐧𝐠 𝐒𝐀𝐒𝐃𝐂?

Ang SASDC (Statement of Audit Suspensions, Disallowances, and Charges) ay isang opisyal na dokumento mula sa COA na naglalaman ng buod ng mga obserbasyon sa paggamit ng pondo ng isang ahensya o lokal na pamahalaan (kasama ang Barangay). Layunin nitong tiyakin na tama at maayos ang paggamit ng pera ng bayan sa pamamagitan ng pagsubaybay sa mga sumusunod:

1. Suspensions – may kulang sa dokumento o proseso na kailangang ayusin bago maaprubahan.

2. Disallowances – ginastos na hindi alinsunod sa batas o regulasyon at maaaring ipasoli.

3. Charges – kakulangan o pagkakamali sa kita o resibo na dapat maitama o masingil.

Kapag ₱0.00 ang lahat ng ito, ibig sabihin ay walang isyung nakita sa audit at maayos ang pamamahala ng pondo.

𝐋𝐚𝐲𝐮𝐧𝐢𝐧 𝐧𝐠 𝐒𝐀𝐒𝐃𝐂

1. Palakasin ang tiwala ng publiko sa pamahalaan

2. Magkaroon ng malinaw na rekord ng paggamit ng pondo

3. Isulong ang Accountability, Transparency, at Good Governance

𝐀𝐮𝐝𝐢𝐭 𝐑𝐞𝐬𝐮𝐥𝐭 𝐒𝐮𝐦𝐦𝐚𝐫𝐲:

Total Audit Suspensions: ₱0.00

Total Disallowances: ₱0.00

Total Charges: ₱0.00

Ang magandang resulta mula sa Commission on Audit (COA) ay patunay ng mahusay na pamamahala at tapat na paggamit ng pondo ng ating Barangay.

Nawa’y magsilbi itong inspirasyon sa ating mga kabataan, kabarangay, at mga lider upang ipagpatuloy ang tapat at makataong serbisyo kung saan ang “Taong Bayan ang Dapat Magbenepisyo.”